Tipti, ol úshin esepshottary buǵattalyp, múlki tárkilenedi delingen. Bul týraly «Qamshy.kz» aqparat agentigi ktk.kz telearnasyna silteme jasap habarlaıdy.

Ol – ol ma, qandaı da bir jumys usynýshy tarap qyzmetkeriniń aılyǵyn bermegen kúnnen bastap 0,25 paıyz mólsherinde aıyppul da salynbaq. Óz kezeginde bul da jumysshynyń ýaqtyly jalaqy alýyna áser etedi deıdi mamandar. 

Al eńbek jáne halyqty áleýmettik qorǵaý mınıstri Birjan Nurymbetov eńbek kodeksindegi bul túzetýler jańa jyldan bastap kúshine enýi múmkin ekenin aıtady.

"Bul kodeks jeke zań retinde parlamenttiń qaraýynda. Onda memlekettik eńbek ınspektorynyń uıǵarymy sot oryndaýshysynyń qujatymen tekseriledi. Bul bizge jalaqy boıynsha bereshekti basqa jolmen, máselen, shotty buǵattaý, múlikti tárkileý arqyly alýǵa múmkindik beredi», – deıdi mınıstr.

«Múmkindik» demekshi, bıyl eńbek ınspektorlary prokýrorlarmen birlesip biraz jumys atqarǵan. Nátıjesinde, jumys berýshilerden 5 mlrd. teńgeden astam jalaqylyq qaryz óndirip alyndy. Ókinishtisi, «qanaýshy top» sany munymen shektelmeı otyr. Búginde ózine tıesili eńbekaqysyn tolyq ala almaı júrgenderdiń uzyn sany 5 myńnan asyp jyǵylady.